A Schluein datti ina zona da tempo 30. Quella vala davent da la via principala Sursilvana envers Sagogn e per las vias cunfinantas da quella. Sco il chanzlist communal, Marco Tschuor ha ditg, vegnan las tablas correspundentas montadas en il decurs da questa primavaira.
Betg pertutgada da la mesira è la Via Principala Sursilvana, che maina da Glion a La Punt/Rehanau.
A chaschun d'ina votaziun consultativa il november 2020 era la populaziun da Schluein s'exprimida per ina introducziun d’ina zona da tempo 30. Ussa vegn quella er introducida. Cunter la decisiun datti la pussaivladad da far recurs – quai entaifer 30 dis tar la Dretgira administrativa dal Chantun Grischun. Eventualas protestas n’han nagin effect suspensiv.