Sco quai che la Reka scriva en ina communicaziun da medias, hajan ins chattà cun Hans-Kaspar Schwarzenbach in turisticher versà ed enconuschent per manar il pli grond vitg da vacanzas en Svizra. Damai ch'el saja sez stà onns a la lunga giast da vacanzas da la Reka, enconuschia el ils basegns dals giasts. Sia incumbensa sco mainagestiun dal vitg da vacanzas da la Reka a Hasliberg surpiglia el ils 15 da schaner 2018.
Directur ad interim da Sedrun Mustér Turissem
Dapi 2012 è Hans-Kaspar Schwarzenbach directur da Sedrun Mustér Turissem – sco ultim cun in pensum da lavur parzial da 60%. Cura exact ch'el banduna quest post, n'è anc betg enconuschent. En mintga cas sto la destinaziun tschertgar in nov directur.
RR novitad 06:00