Siglir tar il cuntegn

Header

Scolaras e scolars sesan en stanza.
Legenda: En questa stanza ston tuts esser quiets e lavurar per sasez. RTR, L. Livers
cuntegn

Surselva Scola da Laax adattada a l'avegnir

Sis novs locals ed ina cuschina moderna per l'instrucziun da cuschina, quai è la part engrondida da la scola da Laax.

3,8 milliuns ha la renovaziun e l'engrondiment da la scola custà e davent da la planisaziun fin l’inauguraziun hai cuzzà 2 onns e mez. La part nova da la scola è bajegiada ensemen cun la part veglia, e furma ussa in'unitad.

Dapli pussaivladads per ils scolars

La part da la scola nova è construida tenor in concept d'instrucziun ch'empermetta dapli pussaivladads per ils scolars da lavurar en agen ritmus. Uschia datti era ina stanza nua che mintga banc è sco ina nischa per sasez, la stanza ha num “silenzium”. Lura datti stanzas mo mez serradas giu, ch'èn colliadas cun ils sulers e là dastgia vegnir discurrì. En in'ulteriura stanza datti ina cuschina fitg moderna, gronda ed adattada per l’instrucziun da cuschinar. Davent da glindesdis èn tut las stanzas novas en funcziun.

Dapli da Surselvaavrir la Landingpage

Nach links scrollen Nach rechts scrollen