Siglir tar il cuntegn

Header

cuntegn

Scola Sumvitg Nagins scolars – ma tuttina vita en scola

Dapi il cumenzament da la stad abitescha in pèrin en l’abitaziun gronda da trais ed ina mesa stanza e dus giuvens en las abitaziuns pli pitschnas da duas e mez. Els èn fitg cuntents cun las stanzas autas e cun la vista giu sin il vitg.

Plirs elements eran gia avant maun

Gia integrà en mintga abitaziun eran dus elements che vegnan numnads «sideboards», sco era ina stgaffa per la vestgadira, di la suletta dunna ch’abitescha en scola, Claudia Flury. Per ella saja quai stà in agid, uschia hajan las stanzas che sajan grondas pudì vegnir structuradas ideal.

audio
Sumvitg: Co èsi da viver en chasa da scola?
ord Total local dals 23.10.2019.
laschar ir. Durada: 3 minutas 4 Secundas.

Favuraivel e cumadaivel

Era il pretsch per l’abitaziun saja fitg favuraivel, di la giuvna dunna da 28 onns ch’abitava cun ses ami avant a Glion. Per Claudio Cabalzar ch’è creschì si a Sumvitg è la situaziun stada ideala. Avant n’avevi quasi naginas abitaziuns a Sumvitg e quai saja stà la chaschun da returnar en vischnanca. Ma era l’abitaziun sezza haja blers avantatgs, uschia sajan las stanzas autas e modernas.

Viver nua ch’ins gieva a scola

Per il terz en la runda, per Livio Cajochen, èsi l’emprima abitaziun ch’el viva sulet. Era saja el stà en l’ultima classa che saja stada anc a scola a Sumvitg ed uss saja el il prim ch’abiteschia en stanza da scola. Quai saja spezial ed el vivia gugent qua, di il giuven da 22 onns ch’ha emprendì miradur. Ils proxims onns vegnia el uss a restar en scola, di el cun in surrir.

RR Total local 11:45

Artitgels legids il pli savens