Curt e concis:
- Cun la midada na duaja quai dar naginas relaschadas.
- Ils respargns muntan a 405‘000 francs, quai sch'i na dovra betg dapli classas a Glion.
- Las localitads da la scola superiura vegnan il pli probabel duvradas suenter da la scola primara.
10 scolars avess la scola superiura da Rueun l'onn da scola 2019/20, quai repartì sin 6 classas. Quai munta che tschertas classas avessan be in scolar – dimena ina situaziun che saja strusch pli da responsar, uschia il president dal parlament Lorenz Alig.
Perquai vegnan ils scolars da Rueun a pudair frequentar ina scola superiura rumantscha a Glion. Tar la fusiun è quai gia vegnì instradà.
Decisiun betg dispitaivla
Il parlament ha decis unanimamain per la dischlocaziun. Perquai ch’il dumber da scolars saja uschè pitschen, na vegnia er il contract da fusiun betg tangà.
Las stanzas da scola da l’actuala superiura da Rueun vegnan en futur pli probabel duvradas da la scola primara.
La scola veglia da Rueun cun l‘annada 1915 vegn alura ad esser vita. Il futur da quest object n’è anc betg cler. La decisiun dal parlament ha vigur legala e la fatschenta na vegn betg suttamessa al pievel.
RR novitads 21:00