La stanza da scola en il guaud a Laax Salums è dapi sonda realitad. Var 2,3 milliuns francs ha la vischnanca da Laax investì en il lavuratori per la gruppa da guaud e la stanza da scola. Las localitads per il revier forestal da Laax e Sagogn sco era la stanza da scola en il guaud han carmalà la sonda il pievel da Laax a la festa d'inauguraziun.
Il chantun sustegn da quests projects
Il cusseglier guvernativ Mario Cavigelli ha menziunà en ses pled festiv, ch'il chantun beneventia l'iniziativa da construir chamonas da guaud sco stanzas da scolaziun. Perquai ha il chantun era contribuì varga 900'000 francs per questas localitads.
-
Bild 1 von 12. Modern, funcziunal ed in zic luxus. Bildquelle: RTR, Linus Livers .
-
Bild 2 von 12. La stanza da scola è circumdada da guaud. Bildquelle: RTR, Linus Livers .
-
Bild 3 von 12. L'entrada da la tegia da Guaud. Bildquelle: RTR, Linus Livers .
-
Bild 4 von 12. Franz Gschwend, il president da vischnanca da Laax è losch dal nov bajetg. Bildquelle: RTR, Linus Livers .
-
Bild 5 von 12. Lain indigen bain elavurà. Bildquelle: RTR, Linus Livers .
-
Bild 6 von 12. La stanza da scola cun vista sin il guaud. Bildquelle: RTR, Linus Livers .
-
Bild 7 von 12. La stanza da scola cun vista sin il guaud. Bildquelle: RTR, Linus Livers.
-
Bild 8 von 12. La vista or dal biro dal capo forestal. Bildquelle: RTR, Linus Livers .
-
Bild 9 von 12. La vischinanza dal revier forestal fa pli simpel d’administrar la stanza da scola. Bildquelle: RTR,Linus Livers .
-
Bild 10 von 12. Chamona entamez il guaud. Bildquelle: RTR, Linus Livers .
-
Bild 11 von 12. Era il revier forestal giauda ina survista magnifica. Bildquelle: RTR, Linus Livers .
-
Bild 12 von 12. Il lain indigen dominescha. Bildquelle: RTR,Linus Livers .
Situaziun optimala a Laax
La cumbinaziun a Laax che la stanza da scola è gist sper las localitads dal revier forestal è tenor il president da vischnanca da Laax Franz Gschwend da beneventar per raschuns da surveglianza e per la scolaziun sezza. Da la localitad en il guaud sa in e scadin far diever. Las reservaziuns a moda electronica hajan gia cumenzà fitg bain, manegia Franz Gschwend.
RR actualitad 12:00