A partir da la proxima stagiun datti per ils indigens sulet ina carta da l’onn communabla. E quella vegn era ad esser in zic pli chara che fin qua. Fin uss pajavan ils abitants da Mustér 317 francs per ir cun skis en il territori da skis da Mustér. La proxima stagiun custa la charta 499 francs - ins po dentant ir cun skis era en il territori da skis da Sedrun-Andermatt.
Ils responsabels argumenteschan cun dapli purschida
Per ils responsabels èsi cler: Dapli purschida custa dapli. Quai èn cunzunt il bigliet integrà d’ir cun tren da Mustér fin a Göschenen e Realp, la pussaivladad da nizzegiar las pendicularas da Mustér si Caischavedra e sin il Cuolm da Vi sco era ulteriuras purschidas novas. Uschia argumentescha il responsabel per il marketing da la Andermatt-Sedrun Alps, Stefan Kern. Sch’ils pretschs restan uss sin quest livel na po Kern dentant betg dir il mument, ma el suppona che quels na vegnan betg a sa midar grond ils proxims onns.
RR actualitad 07:00