Avant 20 onns ha Claudi Monn cumprà questa interpresa. Ils ultims onns ha el investì adina puspè. Ina da sias grondas investiziuns è stà da cumprar ina maschina da colurs.
I saja stà ina decisiun fitg difficila da lezzas uras. Quai gieva en summas da plirs tschients millis francs.
El haja dentant gì cletg ch’in um pli vegl haja chala e vendì sia entira stampa ad el, raquinta il possessur da la stamparia La Tuatschina.
500'000 exemplars ad onn
Els produceschian tut, da la revistas La Tuatschina ed ils Piogns fin a broschuras, fotografias, figls sgulants e perfin cudeschs. En in onn produceschan els da quai da 500’000 exemplars (da quai èn 200’000 copias da brevs). La Tuatschina, il figl uffizial da la vischnanca da Tujetsch, vegn stampada en 1'200 exemplars.
La Tuatschina è ina buna incarica per nus. 25-30 % da nossas lavurs èn segiradas cun la Tuatschina.
Claudi Monn va prest en pensiun
In bun agid ha Claudi Monn era cun ses collavuratur stabel Ervin Wolf. Mo 2020 veglia el ir en pensiun e vender sia stamparia. El na quinta dentant ch’el haja lungurus. El haja blers hobis, la natira, ir cun skis e per cristals.
RTR actualitad 07:30