Siglir tar il cuntegn

Header

audio
Sedrun: Dis da fitness – davent da P.I.I.T fin a viandar
Or da Total local dals 16.09.2019.
abspielen. Laufzeit 02:30 Minuten.
cuntegn

Sedrun Dis da fitness – davent da gimnastica fin a viandar

Dals 12 fin ils 15 da settember han indigens e giasts puspè pudì far sport a Sedrun e quai en moda differenta. Tranter auter èn era viandar, Nordic Walking u golf stà sin il program. Era il settember 2020 duai puspè dar dis da fitness.

Singuls exercizis, per exempel quels dal Professional Intense Interval Training (P.I.I.T) per trenar cundiziun, forza e coordinaziun en gruppa èn intensivs. Uschia er per Ines Berther che stat a Flüelen ed è creschida si a Sedrun. Ella haja legì en la gasetta locala Tuatschina ch’i dettia quests dis da fitness, ed uschia haja ella prendì part dad els ed era visità la famiglia.

Margrit Forrer e sia famiglia han ina chasa da vacanzas a Sedrun. Sch’i dettia qua in eveniment, surtut da sport, prendia el gugent part.
Andy Gasser è magister da sport. Per el dat quai surtut dus motivs dad esser da la partida: Sport saja sanadaivel, el sez veglia far dapli ed il conturn saja grondius.

Prisca Gerber-Lutz, la trenadra da fitness, mussa co far ils exercizis
Legenda: Prisca Gerber-Lutz, la trenadra da fitness, mussa co far ils exercizis RTR, Hubert Giger

Organisà ils dis da fitness a Sedrun han la fisioterapeuta Judith Höferlin e Prisca Gerber-Lutz. Ellas sajan amias dapi blers onns. Ils geniturs da Prisca vegnan da la Val Medel, e la famiglia da Judith ha cumprà ina chasa a Selva en Tujetsch.
Els hajan tants muments positivs en Surselva, e perquai veglian ellas dar enavos insatge a la regiun cun quests dis da fitness.

RR Total local 11:45