Siglir tar il cuntegn

Surselva Sedrun: Domicil exotic per exots

Muettas rientas sgolan tras Sedrun e quai entamez l'enviern.

En il Grischun datti blers utschels tipics ch'ins po observar l’entir onn. Da tschess ed evlas, corvs e pitgalains fin a masets e paslers – il spectrum è lartg.

Ina u duas giadas ad onn han ins dentant la pussibilità da vesair utschels pli exotics. Uschia a Sedrun. Là han ins pudì obeservar la gievgia passada amez la naiv muettas rientas («Lachmöwe» u larus ridibundus).

Da favrer fin matg fan quellas muettas il viadi dal sid (da l'Italia u da la Frantscha per exempel) envers nord ed han uschia er da traversar las Alps. Normalmain sgolan ils utschels sur ils pass e sur ils culms (Malögia u Lucmagn).

Las ultimas emnas n'era l'aura dentant betg optimala per sgular, uschia ch'ils utschels han stuì far differents stops. Els èn da viadi en direcziun dals lais en Svizra, sco per exempel il lai da Turitg u il lai da Constanza u vinavant en il nord en direcziun nunenconuschenta.

RR actualitad 08:00