Sco il president dal comité d’organisaziun Silvio Schmid di veglian els dentant realisar in project pli pitschen: Enstagl da dus datti in di ed enstagl dal parcadi a Dieni vegn l’arranschament organisà en la halla polivalenta Dulezi a Sedrun. A quest arranschament cun il num «Fevra da schlaghers 2019» prendan sis interprets part ils 7 da settember.
Cun vegnir pli pitschen veglian els evitar ch’i dettia in grond deficit, di Silvio Schmid. Il preventiv è calculà cun 25’000 – 30’000 francs. En halla polivalenta han 500-600 persunas plaz. Sche la Fevra da schlaghers 2019 daventa in success pon ins cuntinuar 2020, e quai forsa en ina furma pli gronda.
Prevendita ha cumenzà
La prevendita ha cumenzà. Ins po cumprar bigliets tar ticketcorner.ch. Ils interprets èn:
- Die Jung Fidelen
- Francine Jordi
- Vincent Gross
- Diana
- Christina Maria Sieber
- Die Zipfelbuben
RR actualitad 17:00