Siglir tar il cuntegn

Header

video
Hotel fabritga agen vehichel
Or da Nouvo RTR dals 28.05.2017.
laschar ir. Durada: 54 Secundas.
cuntegn

Surselva Sedrun : L'eRod dal hotel Krüzli

L'eRod è in auto che va cun battaria. Cun battaria chargiada riva el da far passa 100 kilometers. L’auto pon ins prender a tschains durant ina ubain pliras uras.

Severin Brugger e ses collegas han construì quest auto ensemen. Quai hajan els fatg en la fabrica da la firma da vehichels electrics Kyburz a Turitg. Els hajan duvrà in’emna da construir l'eRod. Avant che quel ha dastgà ir sin via haja la firma anc stuì far tschertas controllas.

Porscher insatge nov

Els dus èn promts per l'excursiun
Legenda: Els dus èn promts per l'excursiun RTR, H. Giger

Ils elements per construir l'auto ha cumprà l'hotel Krüzli per 27’000 francs. L’idea saja vegnid, perquai che Sedrun Mustér turissem aveva pli baud in Renault che gieva cun battaria.

Els hajan cumprà el cun la finamira da porscher insatge nov per sa differenziar dad auters, di Curdin Brugger, il possessur da l’hotel Krüzli. El haja er ponderà da cumprar quatter ubain tschintg velos da muntogna che van cun batteria.

Per el saja l’eRod er in siemi ch’el aveva da buob cura ch’el gieva mintgatant cun go-cart. Cun questa maschina possian ins dentant er ir en dus sin via. L'eRod paisa cairca 600 kilos e po far cun la battaria chargiada passa 100 kilometers.

Artitgels legids il pli savens