Siglir tar il cuntegn

Header

cuntegn

Surselva Sedrun: La racheta da Trump al «Pimp My Schlitte»

Questa fin d’emna ha lieu a Sedrun l’eveniment «Pimp My Schlitte», ina concurrenza da schlieusas - betg dal tut seriusa. Part da quella fa era ina gruppa che ha construì ina racheta.

La racheta da Trump è passa tschintg meters lunga. La part interna è construida en lain e tschintg persunas han plaz là per seser sin sadellas. La part exteriura è curclada cun chartun e davos è montà in zaiver. En quel vulan ils construiders brischar sbrinzlas sco quellas per l’emprim d’avust. Sut la racheta èn ina schlieusa ed in pèr skis.

Vopnas da l'America e da Tujetsch

La racheta è colurada en nair. Davostiers d'ina vart è la vopna americana, da l’autra vart la vopna tuatschina. Il piz da la racheta è colurà en aur.

Preschents en las medias

Nov persunas han zambregià quest object: Tschintg buobs e lur geniturs. Las mammas han era stuì crear las monduras.

Las mascras sajan fatschas da Donald Trump, vitiers vegnan chamischas alvas cun cravattas cotschnas, sco Yvonne Giossi ha ditg a RTR. Ses figl Nicolai di, ch’els hajan tschernì quest tema per «Pimp My Schlitte» perquai che Trump saja preschents bler en las medias.

Dapli da Surselvaavrir la Landingpage

Nach links scrollen Nach rechts scrollen