Siglir tar il cuntegn

Surselva Sedrun Mustér Turissem – la dispita va vinavant

Marcus Weber, possessur da las pendicularas da Mustér, n'è betg cuntent cun la lavur da l‘organisaziun turistica.

Reproschas da Marcus Weber:

  • Sedrun Mustér Turissem na vul betg collavurar cun Andermatt.
  • Sedrun Mustér Turissem na po betg far reclama sin livel internaziunal.
  • La Charta da osps na cuntenta betg.
  • Sedrun Mustér Turissem na preschenta betg las pendicularas sco ellas giavischan. Perquai faschain nus sez in pool da reclama.

Sin las reproschas fatgas da Marcus Weber ha Corinne Staub, presidenta da Sedrun Mustér Turissem, prendì posiziun:

  • La collavuraziun cun Andermatt è pussaivla, dentant limitada, pervia dal chantun Grischun ed il chantun Uri che na giavischan betg la collavuraziun totala sur ils cunfins. Plinavant na datti betg mo las pendicularas en questa organisaziun, era las vischnancas han in pled en chapitel.
  • Sedrun Mustér turissem fa senza auter reclama era sin livel internaziunal, dentant mettan els la prioritad en auters pajais e betg sin l'Italia dal nord, sco las pendicularas da Mustér giavischan.
  • Da la carta da osps profiteschan era las pendicularas, e la finala cura il resort Cartina è en funcziun era lez. I fiss donn sche questa collavuraziun na giess betg vinavant.
  • L’organisaziun ha da resguardar tut ses commembers e quai èn bler dapli che las pendicularas. Era l’organisaziun turistica dad Andermatt na fa betg part dal nov pool da las pendicularas.

RR actualitad 12:00