Il proxim temp ha Sedrun Mustér Turissem da remplazzar tant il mainafatschenta Hans-Kaspar Schwarzenbach sco er il president da l'organisaziun Curdin Brugger. Ils 23 da december 2017 è vegnì enconuschent che Schwarzenbach banduna la Surselva, cura exact n'è anc betg enconuschent.
Motivs per sia demissiun
Curdin Brugger ch'è stà trais onns president da «Sedrun Mustér Turissem» sa retira pervi dad opiniuns differentas areguard la strategia da l'organisaziun. Sco el ha confermà envers la gasetta «La Quotidiana» vulevan els suenter bleras discussiuns davart structuras puspè metter il giast en il center da l'activitad. Sco i para giaja ussa dentant anc adina per structuras e fatgs politics. Ord quest motiv haja el sa decidì da chalar era sch'el n'haja anc betg cuntanschì la limita dal temp d'uffizi.
Proxim proceder
Uss duaja Corinne Staub succeder ad Curdin Brugger sco presidenta. Quai proponan las suprastanzas communalas. Staub è possessura d'ina abitaziun secundara a Mustér e s'engascha tar Viva Disentis. La radunanza extraordinaria è ils 18 da schaner 2018.
RR novitads 06:00