En la gasetta locala da Tujetsch, la Tuatschina, ha la vischnanca publitgà ch’ella vul decretar in scumond da charrar sin la via da meglieraziun fin a la staziun da Salins.
Reclamaziuns
La pendiculara da Salins – Cuolm da Vi è en funcziun dapi il zercladur 2019. Adina puspè vegnan ils giasts cun auto fin a la staziun a val da Salins, nua ch’i dettia da quai da 40 parcadis, di il president da vischnanca da Tujetsch Beat Roeschlin. Quai haja chaschunà reclamaziuns.
Nus avain savì che insatge na po betg constar.
Leschas e prescripziuns
Mo ins na dastgass betg charrar cun l'auto fin a la staziun da Salins. Quai saja ina via da meglieraziun ed en il messadi per la pendiculara nova era quai fixà che mo il bus local dastga charrar sin quella. Ils giasts ston ir cun il bus, cun il runal da Valtgeva ubain vegnir a pe. La vischnanca saja obligada da resguardar las leschas e prescripziuns.
Qua sa tracti da prescripziuns federalas e chantunalas.
L’Uffizi federal da traffic ha scrit ad RTR:
Mit der restriktiven Beschränkung der Zufahrtsstrasse entfällt automatisch die Nutzung der Fläche neben der Talstation als öffentlicher Parkplatz.
Surstà dal scumond
RTR n'ha betg pudì contactar il president dal cussegl d’administraziun da las pendicularas da Mustér, Marcus Weber. Sco el ha ditg a la Quotidiana, saja el surstà da quest scumond.
RTR actualitad 08:00