Siglir tar il cuntegn

Header

cuntegn

Surselva Senda tras la Ruinaulta resta dispitaivla

Pliras organisaziuns d'ambient vulan proteger sorts raras d'animals e da plantas en la chavorgia da la Ruinaulta. Perquai van ellas avant il Tribunal federal cun il project per realisar la davos'etappa da la senda tras la Ruinaulta.

Las organisaziuns d’ambient BirdLife Svizra, Pro Natura e WWF vulan ch’il Tribunal federal sa fatschenta cun la planisaziun locala da Trin, en connex cun la senda da viandar tras la Ruinaulta. Tenor ellas n’han las vischnancas vischinantas betg examinà, tge influenza ch’ils visitaders supplementars vegnissan ad avair sin la flora e la fauna. Las vischnancas quintan cun fin a 300’000 visitaders ad onn en la Ruinaulta, sche la senda tras la chavorgia è senz’interrupziun.

Avertas per dialog

Sco las organisaziuns da l'ambient scrivan, èn ellas vinavant prontas per il dialog cun las vischnancas. Nizzegiar la Ruinaulta a moda persistenta saja dentant mo pussaivel, sch'i dettia garanzias per ch'ils animals e las plantas raras hajan spazis da viver betg disturbads.

Il 2016 aveva la vischnanca da Trin acceptà la revisiun da la planisaziun locala per realisar il davos traject da la senda da viandar tras la Ruinaulta. Cunter questa decisiun eran las organisaziuns da l'ambient idas sin las barricadas.

RR novitads 11:00

Artitgels legids il pli savens