L’idea saja d'inoltrar ina moziun en ils parlaments da l'Uri e dal Grischun, di la commembra da la cuminanza e presidenta dal cussegl cirquital (parlament chantunal) da l’Uri Frieda Steffen.
Las moziuns duain avair il medem cuntegn: La galaria sin il pass Alpsu duai vegnir prolungada e las lavineras duain vegnir rinforzadas. La finamira è che la Viafier Matterhorn-Gottard po cursar l’enviern senza incaps ed impediments.
50 fin 60 milliuns francs
La moziun pretenda che las regenzas da l’Uri e dal Grischun intervegnian tar l’Uffizi federal da traffic. Daners per quest project sajan avant maun, perquai ch’il parlament federal haja concedì 13,2 milliardas francs per l’infrastructura da la viafier, uschia Steffen. Ella quinta che las mesiras pertutgant il pass Alpsu cuostian tranter 50 e 60 milliuns francs.
RR novitads 06:00