Siglir tar il cuntegn

Header

audio
Uschia vesan Sep e Giulietta Cathomas da Breil la situaziun
Or da Actualitad dals 16.12.2020.
laschar ir. Durada: 03:02 minutas.
cuntegn

Sep e Giulietta Cathomas «Quant bel che nus avain, cumpareglià cun quels en citad»

Exercizi da chor, preparaziuns per ils concerts da Nadal e sentupadas cun la famiglia, amias ed amis – uschia veseva il temp d’advent da Sep e Giulietta Cathomas ora fin uss. Quest onn è la situaziun autra.

Malgrà las circumstanzas spezialas, cun Sep e Giulietta Cathomas vai bain, dian els.

En quel bel lieu che nus stain è quai in vair plaschair.
Autur: Sep Cathomas75 onns

Betg mo «la bell'aura, la survista e las bunas circumstanzas da naiv» fan bain als dus seniors, er il contact cun lur famiglia. Ina da las figlias cun ses trais uffants e l’um abiteschan er a Breil. Giulietta Cathomas che ha 70 onns, cuschina savens gentar per ils uffants.

Il contact social sper ils trais uffants e tschintg biadis manca dentant fitg ad els. Cunzunt per il Chor baselgia da Breil lascha il pèrin activ encrescher.

Il chantar manca fitg.
Autur: Giulietta Cathomas70 onns

Sa fatschentar d’autra moda

Uschia sa fatschentan ils dus seniors d’autra moda. Els taidlian savens radio, las istorgias che Pro Senectute ha realisà u han guardà la «Metta da fein». Chaussas che fetschian bain e plaschair, dian ils dus da Breil.

Pli digitals

L’entira situaziun haja era gì la consequenza che Giulietta e Sep Cathomas sajan vegnids pli digitals. Els scrivian uss dapli mails u messadis via WhatsApp. Ma els prendian era dapli temp per scriver brevs persunalas a maun.

Festa da Nadal

Co exact ch'il pèrin festivescha Nadal, n'è anc betg cler. La finamira è da festivar cun ils trais uffants e lur famiglias dapersai – ma quai n’è anc betg fixà.

Ir cun skis

Questa fin d’emna fan Giulietta e Sep Cathomas in ulteriur pass en direcziun normalitad. Lura vegnan numnadamain ils skis prendids ord tschaler.

RTR actualitad 07:00

Artitgels legids il pli savens

Scrollar a sanestra Scrollar a dretga