«Siat – Accents ord la historia d’in vitget muntagnard»

«Sur da Siat e sia populaziun selain raquintar caussas marvegliusas», scriva il cusseglier guvernativ Mario Cavigelli.

Simon Bundi, coautur dal cudesch «Accents ord la historia d'in vitget muntagnard» Bild in Lightbox öffnen.

Legenda da maletgs: Simon Bundi, coautur dal cudesch «Accents ord la historia d'in vitget muntagnard» RTR, S. Degonda

Manegiadas èn chaussas che dattan al vitg, cumpareglià cun autras vischnancas e regiuns, in’atgna identitad. Chaussas che caracteriseschan tut quels che collian lur origin e lur tempra cun Siat. Quai è scrit en la prefaziun dal cudesch «Siat – Accents ord la historia d’in vitget muntagnard», in artitgel dal Cusseglier guvernativ Mario Cavigelli.

Anecdotas per rumantsch e tudestg

L'istoricher Simon Bundi ed il scolast secundar Pirmin Spescha han scrit quest cudesch entaifer dus onns e mez. Sin passa 150 paginas descrivan els – per rumantsch e tudestg – fatgs istorics, anecdotas ed eveniments dal vitg en la Surselva. I na saja betg stà la finamira da far ina enciclopedia da l'anteriura vischnanca, mabain dad eleger tscherts aspects dal vitg e mussar quests en detagl.