Siglir tar il cuntegn

Surselva Siat: Isolar il clutger encunter la canera dal tutgiez

La schliaziun chattada cuntenta para tuts.

La baselgia da Siat cun ses clutger entamez il vitget.
Legenda: Las chasas sin l’autezza dal clutger en la plaunca audan bler pli fitg il tutgiez. RTR, Linus Livers

Curt e concis

  • Trais giadas a di audan ins il tutgiez.
  • Isolar il clutger enstagl da chalar da tutgar è la schliaziun.
  • Decisiun democratica, ils convischins èn cuntents.

La suprastanza da la plaiv da Rueun, Ruschein, Siat e Pigniu ha survegnì ina dumonda d'in convischin da Siat, sch'ins pudess forsa meglierar la situaziun cun il tutgiez da Siat. Surtut il tutgiez la damaun da las 05:30 saja in disturbi. A Siat vegn tutgà trais giadas a di: la damaun, da mezdi e la saira. Spert èsi stà cler che quai convischin n'è betg il sulet che vegn disturbà dal tutgiez.

Igl è in grond, igl è in ferm tutgiez, in che fa la detga canera.
Autur: Convischina da Siat

Perquai ha la suprastanza da la plaiv clamà ad ina radunanza extraordinaria per decider sur da las pussaivladads, co ins pudess far pli miaivel il tutgiez.

Isolar il clutger enstagl da smetter da tutgar

La decisiun è crudada sin la varianta dad isolar il clutger baselgia endadens per absorbar il tun. Quella pussaivladad vegn beneventada dals da Siat, uschia che la plaiv ha ussa laschà offrir ina firma spezialisada, quant che quai custass dad isolar il clutger.

La dumonda dal tutgiez ha betg spartì ils da Siat. Anc n'èsi betg enconuschent, quant che quai vegn a custar d'isolar il clutger da Siat. Era la dumonda, tgi che paja quant, n'è betg anc sclerida.

RR actualitad 08:00