Siglir tar il cuntegn

Header

audio
In sguard en la Sibla 2020
Or da Actualitad dals 20.02.2020.
laschar ir. Durada: 02:24 minutas.
cuntegn

Sibla 2020 «Weber for president»

Spezial en la Sibla èn – sco dapi plirs onns – las caricaturas da la gasetta da tschaiver da Mustér. Ed era questa giada prenda ella puspè persunas ed instituziuns (surtut da la Cadi) sin la corna. E duas paginas èn deditgadas al giubileum da 35 onns Bagordas, lu gugga da Mustér.

A Mustér datti «plans e plans e plans». Ma il Siblus sa era che la suprastanza ed auters funcziunaris en vischnanca vegnan elegids l’atun:

Prendì il cas ch’i fiss damaun elecziuns per il president communal, alura propona il Siblus d’eleger tut quels che n' èn betg sin la glista che suonda ...

E sin questa glista èn 13 persunas! In candidat fiss era l’investider Marcus Weber:

Il Warcus Meber duai prender las scrittiras a Mustér per vegnir president communal ed alura finalmain pudair dictar tut.

Da la politica a la gastronomia. Il Siblus sa ch’i dat 500 onns recurs Acla da Fontauna, cura ch’ins sto ir en il buffet da la staziun u pertge ch’il Cucagna è istorgia.

Sper istorgias da Mustér e Medel pon ins era leger insatge dad in Tuatschin che ha fatg patratgs sur da la pendiculara Salins/Sedruns – Cuolm da Vi. Sco quai para n'ha el betg fatg bunas experientschas cun il «runal nov da tagliers si Cuolm da Vi»:

Jau hai dumandà in'emploiada sch’ils ovs dals umens fissan casamai segirads ed obtegnì per resposta che quai saja chaussa da mintgin.

En la Sibla 2020 datti plitost pauc da raquintar da Sumvitg e Trun, forsa perquai ch’i dat là projects che «chaschunan battacor».

La cuverta da la Sibla
Legenda: Linus Flepp

RTR actualitad 11:00

Artitgels legids il pli savens

Scrollar a sanestra Scrollar a dretga