Siglir tar il cuntegn
Inhalt

Surselva «Sibla» cun il motto «Rusnas»

Dapi 30 onns cumpara la «Sibla», la gasetta da tschaiver da Mustér. Era l’annada 30 prenda puspè per il tgil persunas ubain schabetgs da Mustér ed en autras vischnancas. Il motto da tschaiver 2015 è «Rusnas».

Il frontispizi da la gasetta da tschaiver «Sibla».
Legenda: La «Sibla» cuntegna mintg'onn intginas caricaturas che prendan vischinas e vischins da Mustér e conturn per il tgil. MAD

Rusnas na datti betg mo en la cassa communala da Mustér, rusnas po quai era dar en ils pli differents lieus.

«Tgi che dat sto era pudair star ora.»

Per stuppar rusnas fa il Siblus differentas propostas. E propostas respectiv ideas ha el per exempel era fatg, tge far cun in grond char armà, tge far cun sdratscha ubain co festivar il giubileum da 1400 onns claustra da Mustér. Siblus sa dentant che quai n’è betg simpel da chattar istorgias, ed el sa er che commentar po avair consequenzas: «Tgi che dat sto era pudair star ora.»

Cundì cun sal e paiver

Ina gasetta da tschaiver cundescha ses schabetgs cun sal e paiver e dasper il pled, datti in auter element interessant ch’ina chatta era puspè en la Sibla 2015. las caricaturas. La bleras ha il pictur-artist Linus Flepp creà, intginas era Antonino de Bella.