Siglir tar il cuntegn

Header

cuntegn

Surselva Silvio Schmid en suprastanza da Sedrun Mustér Turissem

Las pendicularas d'Andermatt-Sedrun e quellas da Mustér fan in agen pool da marketing, senza Sedrun Mustér Turissem. Uss sesa en futur il manader da l'Arena da skis d'Andermatt-Sedrun Silvio Schmid en suprastanza. Ma sulet sco persuna privata.

  • La suprastanza da SMT sto esser gulivada: I dovra 3 persunas da Mustér e 3 da Tujetsch
  • La presidenta (Corinne Staub) ha la vusch da tagl
  • Fin ussa eran els siat persunas en suprastanza. La presidenta valeva sco independenta e neutrala.

Era cun Schmid – pendicularas betg uffizialmain da la partida

Il manader da las pendicularas Andermatt-Sedrun Silvio Schmid è vegnì elegì en suprastanza da l'organisaziun Sedrun Mustér Turissem (SMT). Quai na mida nagut vid il fatg che SMT na fan betg part al nov pool da marketing da las duas pendicularas d'Andermatt-Sedrun e Mustér. Schmid è proponì sco persuna privata e betg sco represchentant da las pendicularas en quai gremi tar Sedrun Mustér Turissem, uschia accentuescha Corinne Staub la presidenta da SMT la candidatura da Silvio Schmid.

audio
Mezdi: Valitaziun situaziun da Sedrun Mustér Turissem
ord Actualitad dals 05.10.2018.
laschar ir. Durada: 4 minutas 6 Secundas.

Ma per Silvio Schmid è cler – el tira en il chapè da l'Arena da skis Andermatt- Sedrun ina giada ch'el è elegì. Quai fa Schmid era transparent avant l'elecziun. Silvio Schmid remplazza Josi Russi ch'è sa retratg. L'elecziun per remplazzar Silvio Bernasconi da Mustér na vegn la finala insumma betg fatga. La raschun persuenter è che quell'elecziun n'era betg vegnida tractandada.

La suprastanza da SMT sto esser paritetica vul dir tuttina blers da Tujetsch sco da Mustér, quai è ussa era il cas cun trais represchentants da Mustér e trais da Tujetsch.

RR novitads 06:00

Artitgels legids il pli savens