A Flem è per la 23avla giada in camp per patinadi artistic. Il mument treneschan en la halla da glatsch dal center da sport participants ord 9 naziuns, quai cunzunt uffants e giuvenils.
Legenda:
Durant il trenament na vegn betg tschantschà bler – mintgin trenescha plitost per sasez.
RTR, Silvana Degonda
2 / 4
Legenda:
Avant e suenter il trenament èsi da tadlar las instrucziuns dils trenaders, quellas en pal bler sin englais.
RTR, Silvana Degonda
3 / 4
Legenda:
Durant che il glatsch vegn schubregiads e durant las pausas vegn pal bler era tschantschà englais u cun pais e mauns.
RTR, Silvana Degonda
4 / 4
Legenda:
Sche ins na chapescha betg insatge per englais, alura vegni tranteren era gidà suenter cun apps sco “Google Translator”.
RTR, Silvana Degonda
audio
Bunura: Gala da glatsch – stars internaziunals e locals treneschan a Flem
02:50 min, ord Actualitad dals 25.07.2016.
laschar ir. Durada: 2 minutas 50 Secundas.
Las participantas ed ils participants che treneschan il mument patinadi artistic en il center da sport a Flem derivan da la Finlanda, da la Svezia, dals Stadis Unids, da la Russia, da l’Australia sco era dals Emirats Arabs Unids. Sur sis emnas vegnan dentant er adina novs participants vitiers, uschia che en tut 19 naziuns han visità a la fin da la stad la halla da glatsch en il «Prau la Selva».
Agid da pes e mauns u agid digital
Era uffants e giuvenils da la regiun participeschan al camp da trenament. Il linguatg è dentant per tuts l’englais. Ma betg tuts san uschè bain questa lingua. Uschia vegnì er communitgà cun pes e mauns di Laisa Zollet che ha 11 onns ed e da Sursaissa. Ella è gia per la secunda giada al camp da trenament a Flem. Nagins problems cun l’englais ha persuenter la giuvna da 15 onns Lisa Kulik. Ella e numnadamain da la California en ils Stadis Unids. Er vegni duvrà apps sco «Google Translator» per sa communitgar.
