In um da 31 onns è crudà sonda saira enturn las 18:00 cun ses mountainbike a Laax e sa blessà grevamain. El era sin in traject da downhill ch'era serrà durant quest temp, sco la Polizia chantunala scriva.
Ses collegas han chattà l'um blessà ed han alarmà il servetsch da salvament. La Rega ha silsuenter transportà il mountainbiker en l'Ospital chantunal a Cuira. La Polizia chantunala e la procura publica examineschan uss ils detagls da l'accident.
