Las spaisas vegnan cuschinadas e suenter vegn fatg buglia. Mo la differenza da las buglias usitadas e smoothfood è: las spaisas vegnan fatgs en furmas e preparadas uschia ch’ellas han ina tscherta consistenza. Bellas furmas e colurs duain far gust da mangiar. Mo sco il cuschinier da la Casa sogn Giusep Gion Janka di, dovria el dapli temp da cuschinar ed era dapli pazienza.
Cuschinar cun ils cussadents
Ina gia l’emna va il cuschinier era tar ils cussedents sin las auzadas e cuschina per els. El haja era schon tschertgà bulieus, alura hajan el ed ils cussedents schubregiar quels e la finala cuschinà sin il gril.
En la Casa sogn Giusep dovran 8 dals 30 cussedents smoothfood. Cun questa purschida veglian els era mussar ch’els apprezieschan la glieud veglia, di Esther Appenzeller. Ella è ina da las duas manadras da la tgira.
Impurtant saja era ch’ils cussedents possian gidar a cuschinar ubain ch’il cuschinier giaja ina giada l’emna tar els a cuschinar sin las auzadas.
Festival da smoothfood
Ils 21 da november datti in festival da smoothfood en la Casa sogn Giusep. Alura pon ils parents empruvar questas spaisas.