Siglir tar il cuntegn

Header

audio
Uors: Nova unifurmaziun da la Societad da musica Suraua
Or da Actualitad dals 18.10.2021.
laschar ir. Durada: 02:38 minutas.
cuntegn

Societad da musica Suraua Unifurmas novas: En moda, giuvenil, modest e tradiziunal

La societad da musica Suraua ha remplazzà las unifurmas veglias che han gì 38 onns. Sonda passada èn las 24 musicantas e musicants e la dirigenta sa preschentads en las novas unifurmas, ad Uors sin la plazza da scola.

Differenzas tranter novas e veglias 

I saja stà uras da remplazzar las veglias, perquai ch’i saja grev da vestgir novs musicants cun las unifurmas veglias, saja quai che las chautschas èn memia curtas ubain ils librocs memia stretgs, di Gian Carlo Albin. El è president da la musica Suraua e suna il bass. La dirigenta Claudia Derungs che ha cumponì aposta dus tocs per la nova unifurmaziun, di che las novas sajan pli levas e cumadaivlas.

Las novas portan forsa nov schlantsch, nov vent frestg e nova energia.
Autur: Claudia Derungs Dirigenta da la societad da musica Suraua


En il program d’inauguraziun per las unifurmas novas ha Gian Carlo Albin descrit quellas cun ils pleds: En moda, giuvenil mo tuttina modest e tradiziunal.

Ella è pli simpla e moderna, n'ha betg cordas e n'ha betg da questas schicanas sco quai ch’ins enconuscha d’ina unifurma d’avant 30, 40 onns.
Autur: Gian Carlo Albin President da la societad da musica Suraua

75'000 francs

Las unifurmas veglias veva la fabrica da ponn a Trun fatg – ina cumprova per ina buna qualitad. Las novas vegnan da la firma Atelier Büttiker SA da Pfaffnau en il chantun Lucerna ed han custà 75’000 francs. Finanzià quellas han surtut sponsurs e donaturs, ma ina part era entras reciclar intginas unifurmas veglias e far ordlonder tastgas ed auter.

RTR actualitad 08:00

Artitgels legids il pli savens

Scrollar a sanestra Scrollar a dretga