Siglir tar il cuntegn
cuntegn

Surselva Spectacul a Laax

«Right 270 on front 270 out» u «switch left double cork 900 safety» – questa lingua ha dà en il tun ils ultims dis a Laax.

Legenda: Guardar il video Spectacul a Laax. Durada 01:16 minutas.
Or da Actualitad video dals 22.03.2015.

A l’8avel «European Freeski Open» èn freeskiers da l’entir mund sa maserads. Persvadì cun ils megliers trics en la categoria slopestyle ha Jossi Wells da la Nova Zelanda. Sin il segund plaz è l’American Noah Wallace e terz il Norvegiais Oystein Bråten.

Tar las dunnas ha la victura num Tiril Sjåstad Christiansen da la Norvegia. Segunda è sia cumpatriota Johanne Killi e terza l’Englaisa Isabel Atkin.

Legenda: Guardar il video Trumpada per Elias Ambühl. Durada 00:40 minutas.
Or da Actualitad video dals 22.03.2015.

Ambühl mo 6avel

Il Grischun Elias Ambühl ha trumpà en il final. Suenter avair fatg il meglier resultat da tuts en il mezfinal, ha el stuì sa cuntentar cun il 6avel plaz en il final.

Discletg per matadur local

Il matadur local Andri Ragettli da Flem ha gì discletg. In di avant il mezfinal ha el rut l’oss-clavigl.