«Nus clamain en Surselva tut las persunas qualifitgadas medicinalmain, da star a disposiziun en cas ch'i fa basegn.» Quai è l'appel che Claudia Käch fa per dar dumogn ad in'eventuala unda da coronavirus che pudess vegnir ils proxims dis ed emnas.
audio
Situaziun dal corona en l'ospital a Glion
ord Actualitad dals 25.03.2020.
laschar ir. Durada: 3 minutas 11 Secundas.
Che quella unda vegn, da quai en els persvadì. Uschia era il schefmedi Thomas Koch. El attestescha che fin ussa haja l'ospital da Glion gì trais pazients staziunars cun il coronavirus. Pliras persunas hajan els pudì trametter a chasa en quarantina privata. Il stan ier mardi era, che mo ina persuna cun coronavirus sa chatta anc en l'ospital da Glion.