Gia davent da l’entschatta da la pandemia da corona hai dà memia paucas mascras d'igiena. Era l'ospital a Glion ha alura realisà ch’il magasin era memia pitschen e ch’i n’era betg segir da survegnir ad uras avunda mascras igienicas. Per betg vegnir en las stretgas, han ils responsabels decidì da laschar producir mascras da taila en l’atgna cusunzaria.
Per producir vain nus duvrà taila da pez da pops, quai ord il motiv che quella taila sa vegnir lavada cun fitg autas temperaturas.
Enfin uss ha la cusunza Claudia Cabalzar producì dapli che 200 mascras da taila. Quellas èn previsas sulet per il persunal da l'ospital.
Per il diever quotidian
Sco il schefmedi da la chirurgia, Dr. med. Marcel Bundi ha ditg a RTR tanscha la qualitad per il diever quotidian. Cura ch'i va en sala d'operaziun u vid il contact cun persunas che han supposiziun d'avair u èn infectadas cul Covid-19, alura na tanscha la qualitad betg pli ed ils medis ston montar mascras da protecziun certifitgadas.