Siglir tar il cuntegn

Surselva Sragischar zerclim sin santeri

La metoda è simpla ed effizienta: Sragischar ora zerclim ed autras plantas - sco per ex. plantas da l’exteriur sco neofitas - cun agid d’aua buglienta.

Legenda: Guardar il video «Sragischar zerclim». Durada 0:23 minutas.
Dals 12.07.2016.

En in vehichel cun tanc vegn l’aua bunamain buglida sin 100 grads. E cun ina lantschetta sco ins enconuscha da schubregiar autos vegn l’aua sprizzada.

Sprizzar 3 giadas ad onn

Quests dis èn lavurers da la vischnanca da Mustér stads sin santeri per extirpar zerclim. Sco il manader dals servetschs tecnics Simon Cathomen ha ditg ad RTR, hajan els prendì a tschains in vehichel.

Trais giadas ad onn vegn l’aua buglienta sprizzada per cumenzar, pli tard alura mo anc duas giadas.

Mazzar giu cellas

Sin santeri da la baselgia da sogn Gions.
Legenda: Sin santeri da la baselgia da sogn Gions. RTR, H. Giger

L’aua mazzia giu las cellas ed uschia degenereschian las ragischs ed il zerclim ed autras plantas vegnan destruidas, ha Simon Cathomen declerà. Emprovas cun brischar giu zerclim ubain cun aria fitg chauda n’hajan betg gì il success giavischà fin uss.

Pli baud vegniva il zerclim ed auter segà ubain destruì cun tissi. Ma tissi na vegnia betg pli en dumonda.