Siglir tar il cuntegn

Header

video
Il «Städtlifest» a Glion ha attratg glieud da dapertut
Or da Actualitad video dals 07.08.2022.
laschar ir. Durada: 3 minutas 20 Secundas.
cuntegn

«Städtlifest» a Glion Atmosfera da festa e gust da s'entupar

Il «Städtlifest» ha cummenzà venderdi da las 18:00 cun in til d'uffants davent da la Porta Sura giu en la tenda da festa sin la Plazza Cumin. Suenter l'act uffizial ha la festa prendì schlantsch en la citad veglia e sin la Plazza Cumin. Il tradiziunal «Städtlifest» n'ha dapi 2019 betg pli pudì vegnir realisà en sia grondezza usitada.

audio
Il Städtlifest a Glion ha puspè lieu suenter dus onns pausa
ord Actualitad dals 06.08.2022.
laschar ir. Durada: 4 minutas 4 Secundas.

En la citad veglia è blera glieud sa scuntrada. Il basegn da giudair ina bella festa da cumpagnia è palpabel. Quest onn hai 20 stans pli pauc ch’ils onns avant la pandemia. Ils stans da las uniuns èn dentant tuts puspè sin il plaz. A Glion è vegnì festivà fin tard en la notg.

audio
Städtlifest Glion: la glieud vul puspè far festa
ord Actualitad dals 06.08.2022.
laschar ir. Durada: 3 minutas 8 Secundas.

Era la sonda durant il di ed alura la saira ha la festa carmalà ina massa glieud. La sonda è fitg populara tar las Sursilvanas e Sursilvans che stattan en la Bassa.

La sonda carmala il «Städtlifest» ina massa glieud.
Legenda: La sonda carmala il «Städtlifest» ina massa glieud. RTR, FRANCO CAVIEZEL
A nus èsi impurtant che mintgin che vul vegnir a la festa, vegn puspè a chasa.
Autur: Manuel Montalta president dal comité d'organisaziun

Suenter la festa han quest onn bus da notg purtà ils giasts gratuitamain a chasa. E quai en mintga fracziun, era en il vitg il pli pitschen.

RTR actualitad 09:00

Artitgels legids il pli savens

Scrollar a sanestra Scrollar a dretga