Il comité d'organisaziun dal «Städtlifest» ha decidì da far la preparativas, uschia ch’i resta pussaivel da far la festa l'avust. Anc na vegni betg prendì daners enta pugn. I dettia avunda d'organisar che na chaschunia nagins custs, ha Manuel Montalta il president da l'organisaziun manegià. Dapertut vegn communitgà che las festas vegnan disditgas e quai haja motivà els da betg bittar la fautsch en chanvà gia ussa.
La festa vegn preparada sco adina, vul dir, ins spetga passa 10'000 visitaders e visitadras. Sa chapescha po quai sa midar sch'il Cussegl federal decida che mo 1'000 u 5'000 dastgan vegnir a talas festas. En uschia in cas fiss il comité pronts d'adattar la festa a las prescripziuns.
Il motto dal comité d’organisaziun è: «Simplamain dar si en nagin'opziun.»
