Pervia dal coronavirus ha il Cussegl federal decidì che bars ed ustarias stoppian serrar da las 23.00 – 06.00. Quai ha consequenzas per ils bus da Steila Surselva.
Betg laschar ir bus vids tras la Surselva
Sche bars ed ustarias èn serradas la notg, na possian ils giuvenils strusch ir pli en sortida. Perquai na fetschia quai nagin senn da laschar cursar bus da notg vids tras la Surselva, scriva la Regiun Surselva en ina communicaziun a las medias. Dapi bunamain 20 onns van quests bus da Sedrun a Laax e da Vrin a Laax. La finamira è ch’ils giuvenils vegnian bain a chasa.
Ils ultims onns è la purschida vegnida extendida, ed ils bus da Steila Surselva van era a Sursaissa, Andiast, Sagogn, Sevgein e Suraua. Ed era la Viafier retica e la Viafier Matterhorn-Gottard èn vegnida integradas en quest program.
Sco la Regiun Surselva scriva enavant duain ils bus da notg cursar puspè l’enviern 2021/22.
