Il Chantun Grischun ha dà 1,5 milliuns francs per la purschida da Sciencity e Kindercity da la firma Explorit. Las cundiziuns per survegnir quels daners èn stadas cleras, ha ditg Eugen Arpagaus da l'uffizi d’economia e turissem. La cundiziun che questa purschida stoppia restar averta almain 10 onns n'è betg vegnida ademplida. Uschia è il chantun londervi da sclerir co vinavant.
L’uniun Sciencity
L'uniun da promoziun per questa purschida d'Explorit ha rimnà daners avant l'avertura e procurà per contacts. Suenter è l'uniun stada quasi inactiva e sco quai che Barbara Cahannes, la co-presidenta di, haja ella per entras RTR intervegì che Sciencity e Kindercity na sajan betg pli a Flem.
Divers auters
Nagina surpraisa ch'Explorit n'è betg pli el Stenna center èsi sta per Martin Maron il manader da «Flims electric». El ha da sias uras gidà da crear in exponat che mussa co electricitad vegn producida.
Romeo Membrini da la stizun da cristals da Cuira è medemamain stà involvì a partir da l’entschatta vida quai project. El ha ensemen cun Explorit creà las taunas da cristallins per ils perscrutaders giuvenils ch'han visità la Sciencity el Stenna center. Ils exponats da cristals aveva la Explorit cumprà. Avert tar Membrini saja sulettamain in quint, da la davosa furniziun da cristals per il shop.
Davart da l'uffizi da stumadira dal Plaun ha Beat Caluori il manader attestà ad RTR ch'in na dettia fin ussa nagin concurs envers Explorit.
