Siglir tar il cuntegn

Header

In emettur da GPS ch'ins po metter enturn culez ad in animal.
Legenda: In emettur da GPS ch'ins po metter enturn culez ad in animal. mad
cuntegn

Stgarpà 5 nursas Il luf a Zignau vegn ussa surveglià

A Zignau en la vischnanca da Trun ha in luf stgarpà en ina notg 5 nursas. La surveglianza da chatscha ha ussa narcotisà il luf e montà in emettur per controllar el.

La notg vargada èsi reussi a la surveglianza da chatscha da montar in emettur ad in luf a Zignau. Quel era returnà tar ina nursa – stgarpada la notg avant – che la surveglianza aveva laschà enavos en il lieu. Sco il manader da l'Uffizi da chatscha e pestga, Adrian Arquint, ha ditg a RTR, è la finamira da quella acziun stada da spaventar il luf.

Deliberar 10 ulteriuras nursas

5 nursas ha il luf mazzà la notg sin gievgia, 10 ulteriuras nursas hajan gì uschè grondas blessuras, ch'il veterinari ha stuì deliberar ellas. Quai ha il guardiaselvaschina Gion Bundi confermà sin dumonda da RTR. Capità è quai radund 600 meters davent dal vitg. Las nursas eran protegidas d'ina saiv che correspunda a las prescripziun da l'Uffizi federal d'ambient. Sch'igl è stà in u plirs lufs e da tge triep che quests derivan, n'ha il guardiaselvaschina betg pudì dir. Quai vegnia l'emprova da DNA a mussar.

RTR novitads 17:00

Artitgels legids il pli savens

Scrollar a sanestra Scrollar a dretga