A la radunanza communala da la Stussavgia ha la populaziun decidì da surdar la concessiun per bajegiar giu e deponer material en la chava da glera Bergli ad ina cuminanza dad interprendiders indigens.
La tractanda è stada per la segunda giada sin la glista da tractandas. Ils 16 da december 2021 aveva la suprastanza fatg la proposta da surdar la concessiun a la firma Montalta transports a Glion. Als impressaris indigens eria reussì da spustar la decisiun.
Offerta ha persvadì
Ussa hajan ils medems impressaris survegnì la concessiun per bajegiar giu e deponer material en la chava da glera Bergil tranter Valendau e Versomi. Sco il chanzlist communal, Stephan Gartmann, ha ditg envers RTR haja dà trais offertas. La cuminanza cun las interpresas indigenas Brunner Forst, Buchli Transporte, Johannes Gredis Transporte da la Stussavgia e Calanda Gruppe cun il sez a Cuira, hajan preschentà la megliera offerta ed era survegnì ina gronda maioritad da las vuschs da la votaziun ch'è vegnida manada tras a scrit. La cuminanza sa uss tenor contact bajegiar giu e deponer material en la cava ils proxims 15 onns.
