Nov suprastant da la vischnanca da Stussavgia è Rico Ragettli da Valendau. L'um da 30 onns ha survegnì 164 vuschs en il segund scrutini, nua che la maioritad relativa decida. El aveva gia en l'emprim scrutini fatg las pli bleras vuschs.
Legenda:
Rico Ragettli daventa nov suprastant da Stussavgia.
MAD, vischnanca Stussavgia
Ragettli è creschì si ed ì a scola a Valendau e stat dapi dus onns puspè en la vischnanca. Emprendì ha el electroinstallatur, ha lura fatg il diplom mercantil a la IBW e lavura entant tar la Viafier retica, là è el responsabel per tuttas amaturas d'energia e la controlla da las lingias electricas.
127 vuschs ha fatg Deborah Margni Blumer da Camanaboda e 52 vuschs han votantas e votants da Stussavgia dà a Martin Ammann da Valendau.
audio
Per tadlar: las novitads da las 12:00
ord RTR Audio dals 17.10.2021.
laschar ir. Durada: 4 minutas 15 Secundas.