Privel da sbuvaditschs e crudada da crappa avevan restrenschì il traffic tranter Rueun e Pigniu. Uss è la via puspè libra. La pagina d'internet da vias n'inditgescha betg pli ina restricziun.
La via è stada serrada enfin mardi avantmezdi pervi d'ina bova. L'uffizi da construcziun bassa ha restrenschì il traffic pervia da privel da sbuvaditschs e crudada da crappa.
Gievgia da bun'ura è in sbuvaditsch cun in volumen da circa 30 meters cubics vegnì a val. Geologas e geologs han constatà ch'i ha survart anc material en il chamin che pudess vegnir a val. Sinaquai ha l'Uffizi da construcziun bassa serrà la gievgia la via.
La notg sin venderdi è lura ulteriur material vegnì a val, sco Eugen Duff da l'uffizi da construcziun bassa dal district Glion ha ditg envers RTR. Il venderdi han ils guids da muntogna stuì chalar lur lavur pervia da la nausch'aura. I haja anc adina dà material che possia ir liber.