Las emprimas trais suitas per il hotel Therme existent èn ussa en construcziun. La 7132 SA investescha 5,5 milliuns per realisar quellas trais suitas che duain cumplettar la purschida dal hotel.
I dovri simplamain quellas suitas en la purschida dal hotel Therme, di Ernst Senteler dal cussegl d’administraziun da la Priora Project SA. I saja in basegn per la nova clientella da luxus. Ina da questas suitas da 120 m2 custa 2’480.- francs per notg.
Las suitas da luxus vegnan planisadas dal architect Kengo Kuma. El ha era gia realisà 13 stanzas per il hotel Therme, che èn dapi in onn en funcziun. En tut investescha la 7132 SA quest onn var 12 milliuns francs en la renovaziun ed en l’engrondiment dal hotel Therme. Il hotel Therme resta serrà fin ils 24 da fanadur 2015.