La vischnanca da Sumvitg ha abolì il cussegl da vischnanca l'onn 1999. Il cussegl da vischnanca sez ha fatg la proposta – ed uschia han ins creà structuras che han pussibilità il return a la radunanza communala. La gasettina la «Squadra» è vegnida introducida – per orientar la populaziun sur dals fatgs che vegnan tractads en la radunanza.
I na vala betg la paina d'avair in cussegl da vischnanca per ina vischnanca pitschna, manar effizientamain va il meglier senza cussegl da vischnanca.
Tujetsch quinta da midar la constituziun anc quest onn, ed uschia era abolir il cussegl da vischnanca. Els han fatg ina votaziun consultativa per udir tge ch'il suveran vul: 65 pertschient na vul betg pli il cussegl da vischnanca.
I vegn ad esser uschia che la suprastanza ha dapli cumpetenzas, dentant era dapli responsabladad.