Mintga abdicaziun saja in pau ina surpraisa, manegia il president da la plaiv Sumvitg, Walter Deplazes. I saja dentant da quintar ch'in augsegner bandunia suenter ina partida onns la plaiv. Augsegners da l'India fetschian quai magari gia suenter pli curt temp. Benny Varghese era vegnì 2004 en la Cadi ed è dapi prest 10 onns augsegner en la vischnanca da Sumvitg.
Plazza vegn scritta ora
Walter Deplazes è da buna speranza ch'ins chattia in nov augsegner. La plazza vegn scritta ora da l'uvestgieu da Cuira. Bun fissi da savair tant pli spert tgenin ch'i dettia. Cunzunt pervia da las abilitads da lingua. In augsegner che na sa betg rumantsch u tudestg dovria temp d'emprender la lingua. La finala stoppia el pudair communitgar cun las parochianas ed ils parochians, declera Walter Deplazes.
RR actualitad 12:00