Siglir tar il cuntegn

Header

cuntegn

Superfinal a Mustér Var 125 parasguladers da l'entir mund sa mesiran

La part sura da la Surselva stat dals 8 d'avust fin ils 18 d'avust en l'ensaina dal parasgular. A Mustér sa mesiran parasguladras e parasguladers da l'entir mund en il superfinal.

Da l'America dal Sid en Surselva

Ils davos sis onns han gì lieu trais giadas ina concurrenza da la cuppa mundiala da parasgular a Mustér. Uss suonda il superfinal, ina sort campiunadi mundial e la concurrenza principala da l'onn. Normalmain ha quella lieu en l’America dal Sid. Pervi da corona han dentant l’uniun Disentis Open ed ils Surselva Flaigers organisà la concurrenza en Surselva.

Tut en tut sa mesiran 125 atletas ed atlets da l'entir mund. Per quest temp quintan ils organisaturs cun radund 2'500 pernottaziuns en la regiun e cun ina svieuta da bunamain 100'000 francs.

Ord l'archiv

video
Parasgular ha tradiziun a Mustér
Or da Telesguard dals 20.08.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga