Sur Flem en la regiun da Sardona han ins chattà la bara d'in um che valeva sco sparì en il chantun Turitg. La davosa giada è el vegnì vis in'emna avant en il chantun Turitg. La bara è vegnida chattada mardi avantmezdi tar in sgol da tschertga al pe dal Surenjoch che sa chatta tranter il Piz Sardona ed il Piz Segnas.
Sco la polizia communitgescha haja dà indizis che l'um pudess esser da viadi en la regiun da Sardona. Perquai èsi vegnì lantschà in'acziun da tschertga ensemen cun l'aviatica militara. L'um saja probabel crudà sur ina costa en il glatscher da Segnas.