La lescha per persunas cun impediments federala pretenda che tut las staziuns èn accessiblas fin la fin da l'onn 2023. A Sedrun era planisà d'investir fin 17 milliuns francs en in surpassadi ed in perrun accessibel sur in surpassadi.
Surpassadi era adina dispitaivel
Cunter l’emprim plan directiv preschentà avevan ils abitants fatg recurs. La MGB ha alura fatg adattaziuns e preschentà in segund plan a l'Uffizi federal da traffic. Cunter quest plan ha era la vischnanca da Tujetsch fatg recurs, quai ha Jan Bärwalde, pledader da medias da la MGB confermà.
Il mument va nagut
Las lavurs da construcziun èn etappadas sur plirs onns. Quai saja necessari per pudair garantir il manaschi, di Bärwalde. Uss veglia la MGB chattar svelt ina soluziun cun ils requirents per pudair cumenzar cun las lavurs ed uschia ademplir las leschas federalas.
La vischnanca n'è anc betg stada disponibla per prender posiziun en chaussa.
RR novitads 12:00