La vischnanca Sursaissa-Mundaun renovescha la chasa da scola Meierhof. La radunanza communala ha approvà in credit da stgars 6 milliuns francs per quest project. Quai communitgescha la vischnanca.
Concret pon vegnir fatgas las suandantas lavurs:
- sanaziun totala da la chasa da scola veglia
- construcziun nova d’ina galaria da colliaziun cun cuvrida da la plazza da pausa
- midadas d’utilisaziun e midadas da construcziun en la chasa da scola nova
- sanaziun parziala dals mirs externs da l'edifizi da la chasa da scola nova
Era il credit supplementar da 2,5 milliuns francs per sanar vias champestras e la revisiun parziala da la lescha davart l'ir a chavar cristals e lavar aur è vegnida approvada. Tranter auter vegn reducì tant l'intschess sco era il temp ch'igl è lubì da chavar cristals e lavar aur.
Ils dus credits approvads sutastattan al referendum facultativ – i dovra pia la suttascripziun dad 80 votantas e votants ils proxims 30 dis.