Siglir tar il cuntegn

Header

cuntegn

Surselva Sursaissa: Entradas spezialas procuran per grond surpli

L'emprim quint annual da la vischnanca fusiunada Sursaissa Mundaun mussa in surpli da passa 3,8 milliuns francs.

Senza dus posts d'entrada extra-ordinaris muntass il gudogn anc adina var in milliun francs. Extraordinaria è stada la contribuziun chantunala per la fusiun ed in pajament per desister sin il dretg da return a tschep da l'ovra idraulica Tschar. La radunanza communala da Sursaissa Mundaun ha approvà il quint 2016.

Garanzias per emprests

Ultra da quai han ils da Sursaissa Mundaun decidì da surpigliar duas garanzias da 1,5 respectiv 2 milliuns per emprests a las pendicularas Sursaissa SA e Piz Mundaun SA. La durada dals emprests munta a 10 onns.

Sanaziun reservuar Platenga

Il project da la sanaziun dal reservuar Platenga è vegnì preschentà a las votantas ed als votans e suttamess per approvaziun. Il credit da 205'000 francs vegn approvà unanimamein.

Infurmaziuns

  • Plinavant èn las votantas ed ils votants vegnids infurmads davart il plan da basa masterplan gruppa da taglias. Detagls suondan proximamain via communicaziun a las medias.
  • La chasa da scola da Flond duai vegnir midada en in chasa d'abitar. Ina famiglia indigena vul constuir là quatter unitads d'abitar e set parcadis cuverts.

RR novitads 08:00

Artitgels legids il pli savens