Cun in chavaterra ed in camiun han ils organisaturs vulì carmalar las famiglias cun lur uffants tar il Rufalipark a Sursaissa. Betg simpel. L’emprim d'avust ha cumenzà cun plievgia, temperaturas enturn 15 grads ed in tschiel grisch. Tuttina han insaquantas famiglias chattà la via als gieus olimpics.
Disciplinas spezialas
Davent da disciplinas usitadas sco sajettar cun il balester u cun la buis ad aria cumprimida, bigliard ed indiaca fin tar disciplinas per las qualas ins dovra in chavaterra hai dà dal tut. Gea, in chavaterra. Sin la pala da quel è ina buttiglia d'aua vegnida fermada e cun bler sentiment han ins lura stuì derscher l'aua en cups. En scadin cas in dals highlights per ils pitschens atlets.