Siglir tar il cuntegn

Header

cuntegn

Sursaissa Mundaun L'influenza da l'enviern chaud sin las pistas

Oz essan nus live en il territori da skis Sursaissa Mundaun. Nus vulain tranter auter savair dals responsabels tge sfidas ch'el han gì pervia da l'enviern miaivel e cun pauca naiv.

L'enviern 2019/2020 è stà tenor SRF Meteo il pli chaud enviern insumma dapi ch'i vegn fatg las mesiraziuns. Che las temperaturas chaudas han er in'influenza sin las pistas dad ir cun skis è cler. Nus vulain oz savair da las pendicularas Sursaissa Mundaun tge ch'èn las sfidas cura che las temperaturas èn schi autas e cura ch'i naiva pauc e plova per part tochen si en ils auts. Perquai essan nus oz sin ils chaltgogns da Geli Casanova ch'è responsabel da la vart Lumnezia per las pistas e per il salvament.

Entras quai ch'i ha dà pauca naiv, saja la blera glieud sin las pistas ennevadas. Uschia dettia er dapli accidents, perquai ch'i haja dapli glieud che usità sin pli pauc plaz.

Fernando Lemos lavura vid la sutgera che maina da Vella a Triel e senta ch'ils turists vegnan tuttina tge aura ch'i fa. Els hajan pajà ils bigliets e lura vegnian els era sin pista.

Betg mo las sutgeras ed ils runals èn en funcziun oz en Lumnezia, mabain er la Tegia Bar. L'avantmezdi han Karin Caminada e sia collega avert la bar malgrà ch'i naveva per muments quasi giu il tschiel. La Tegia Bar è plitost ina bar per giudair la bell'aura, ella n'ha numnadamain nagina pussaivladad da seser dadens ed er nagin tetg, uschia che las visitas dals giasts èn ils dis da mal'aura, sco oz, plitost curtas. Insatge da baiver ed ina baterlada datti tuttina.

RTR actualitad 07:00

Artitgels legì il pli savens

Nach links scrollen Nach rechts scrollen